HAXHI DHE PUNA

Pyetja: Nëse njeriu udhëton ne Saudi me motiv pune por gjate qëndrimit fiton para dhe kryen haxhin, edhe pse ai para se te udhëtonte nuk e kishte ndërmend ta kryente haxhin. Ky haxh a është i vlefshëm apo jo?

Përgjigja: Nëse njeriu vie ne Saudi për te punuar, pastaj pas një kohe qëndrimi vendos ta beje haxhin, atëherë kjo lejohet dhe ai hyn ne ihram([1]) ne Mikat([2]) vendin ku ai kalon, ose ne vendin, ku e ka bere nijjet haxhin, edhe nëse nuk ka mikat dhe haxhi i tij –nëse do Allahu- do te jete i vlefshëm. Nëse njeriu e ka bere nijjet haxhin por nuk ka përpara ndonjë mikat deri ne Mekke, atëherë ai hyn ne ihram ne vendin, ne te cilin e ka bere nijjet haxhin. Kjo i mjafton atij për kryerjen e haxhit obligativ. Ndërsa nëse është ne pyetje umreja, atëherë ai patjetër duhet te dale jashtë Mekkes (jashtë kufijve te shenjte te Mekës, brenda te cilëve ndalohet prerja, therja, etj), prej ku hyn ne ihram.

Myftiu: Shejh Salih El Fevzan

Burimi: www.islamway.com

Përkthyesi: Sedat Gani Islami,

5 janar 2006, e enjte, Brunei

--------------------------------------------------------------------------------

[1] Ihrami gjuhësisht dtth: bërja e dickaje haram-te ndaluar ndërsa kur thuhet njeriu ka hyre ne Ihram ka për qellim ka hyre ne muajt hurum (muajt e haxhit). Mu’xhemu Lugatu-l-Fukahai, autore: Muhammed Revas Kal’a Xhi & Hamid Sadik Kanibi, Shtepia botuese: Daru En Nefais, Botimi i dyte, 1988, Bejrut, Liban, f: 31, Shënim i Përkthyesit

[2] Mikat: Vend, që nuk i lejohet haxhiut apo atij që dëshiron ta beje umren kalimi i tij pa hyre në ihram. Mu’xhemu Lugati El Fukahai, Dr: Muhammed Reva Kal’a Xhi dhe Dr: Hamid Sadik Kanibi. Botimi i dytë, 1988, botuar nga Darun Nefais, Bejrut, Liban.